Franca synon centralet bërthamore – Objektivi, largimi nga karburantet fosile për energji

Franca synon të ndërtojë tetë termocentrale të reja bërthamore në vitet e ardhshëm, përveç gjashtëve të planifikuara tashmë, shumë më tepër se sa ishte planifikuar deri tani. Një projektligj parashikon, përveç gjashtë centraleve të vendosura, ndërtimin e tetë termocentraleve të tjera bërthamore, të cilat deri tani ishin diskutuar vetëm si “opsion” nga qeveria. Në tërësi, po diskutohet ndërtimi i 14 reaktorëve.

Ndryshe nga Gjermania, Franca po mbështetet shumë në energjinë bërthamore për të zëvendësuar termocentralet me qymyr dhe për të reduktuar emetimet e CO2. Qeveria franceze dëshiron të zvogëlojë pjesën e karburanteve fosile në konsumin e energjisë nga më shumë se 60% aktualisht, në 40% në vitin 2035. Ky objektiv kërkon ndërtimin e termocentraleve të reja me fuqi 13 gigavat nga viti 2026. Kjo korrespondon me “fuqinë e tetë” reaktorëve të tipit EPR.

Modeli EPR i zhvilluar nga Franca, domethënë një reaktor i ujit nën presion të brezit së tretë, duhej të ringjallte energjinë bërthamore pas katastrofës së Çernobilit të vitit 1986 dhe të ofronte fuqi dhe siguri më të madhe. Tre reaktorë uji nën presion të këtij lloji janë në funksionim, një në Finlandë dhe dy në Kinë. Megjithatë, ndërtimi në Finlandë nuk ka qenë i vetmi që ka paraqitur probleme. Projektet EPR në Francë dhe Britani kanë gjithashtu vonesa dhe rritje drastike të shpenzimeve.

Sipas grupit publik francez të energjisë EDF, reaktori i parë EPR në Francë pritet të lidhet me rrjetin në Flamanville në Normandi në mesin e vitit 2024 për t’u testuar, 17 vjet pas fillimit të ndërtimit dhe me një kosto prej 12.7 miliardë euro, katër herë më shumë se sa ishte planifikuar fillimisht. Si pjesë e reformës së planifikuar të tregut evropian të energjisë elektrike, subvencionet publike për centralet bërthamore do të vazhdojnë të lejohen në Bashkimin Evropian në të ardhmen.

Dorina Kurtaj/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.