Prodhuesit britanikë, “kundër” Kinës dhe SHBA – Pjesa më e madhe nuk i shohin më si konkurentë Francën dhe Gjermaninë

Shumica e prodhuesve në Mbretërinë e Bashkuar e shohin vendin e tyre si më konkurrues për të lokalizuar aktivitetet. Më shumë se gjysma e prodhuesve në Mbretërinë e Bashkuar (52.7%) mendojnë se vendi i tyre është tani më konkurrues për të operuar, krahasuar me vetëm 31% vitin e kaluar, megjithëse ata janë të kujdesshëm ndaj kërcënimit aktual ndaj konkurrencës që paraqet Kina dhe SHBA.

Zbulimet vijnë nga një sondazh i vitit 2024 nga organizata e prodhuesve ‘Make UK’ dhe firma e kontabilitetit PwC. Sondazhi i më shumë se 200 drejtuesve të lartë të prodhimit tregon se rreth një e treta besojnë se Mbretëria e Bashkuar po rrit konkurrencën e saj ndaj Gjermanisë dhe Francës dhe një numër i ngjashëm mendon se ata po ecin përpara Spanjës dhe Italisë.

Sipas studimit, pas disa vitesh shumë të vështira për shkak të pandemisë dhe goditjes së çmimit të energjisë, ka shenja pozitive, me kompanitë më optimiste për perspektivat e prodhimit këtë vit të ri. Pothuajse gjysma, ose 44.4% e prodhuesve mendojnë se kushtet në sektor do të përmirësohen, me vetëm një në pesë që besojnë të kundërtën.

71.2% e firmave e shohin adaptimin e teknologjive të reja dixhitale si një mënyrë për të rritur efikasitetin operacional, ndërsa mbi gjysma e shohin IA gjeneruese si rritëse të produktivitetit të fuqisë punëtore.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.