FSHZH njofton: Fillojnë punimet për rikonstruksionin e rrugës Ersekë-Leskovik!

Fondi Shqiptar i Zhvillimit njofton se kanë nisur punimet për rikonstruksionin e rrugës Ersekë-Leskovik projekt i cili me financim nga Qeveria Shqiptare dhe zbatim nga Fondi Shqiptar i Zhvillimit synon përmirësimin e konektivitetit rajonal dhe lehtësimin e aksesit drejt potencialeve turistike duke sjellë zgjerimin e ofertës turistike.

Sipas njoftimit ndërhyrja fillon në qytetin e Ersekës dhe përfundon në qytetin e Leskovikut. Ky segment rrugor ka një gjatësi rreth 42 km.

FSHZH bën me dije se ky investim pritet të rrisë cilësinë dhe sigurinë e qarkullimit rrugor dhe gjithashtu t’i japë një hov të ri këtyre zonave në fushën e turizmit dhe jo vetëm.

E . S / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.