Gjenden 10 ton peshk i ngordhur në kushte misterioze në lumin Oder – Shkak, zhiva në ujë!

Rreth 10 tonë peshq mendohet të kenë ngordhur në lumin Oder, një katastrofë ekologjike. Si arsye shikohet zhiva. Ka kritika për mënyrën e komunikimit dhe menaxhimin e lumenjve.

Në lumin Oder, lumin kufitar mes Gjermanisë dhe Polonisë janë zbuluar sërish mijëra peshq të ngordhur, kësaj radhe në afërsi të qytetit Frankfurt mbi Oder. Autoritetet lokale kanë paralajmëruar banorët nga kontakti me ujin, kjo vlen edhe për kafshët shtëpiake dhe ato për  përdorim.

Ende nuk dihet qartësisht, se cila është arsyeja e ngordhjes masive të peshqve, që u bë e ditur për herë të parë para dy javësh. Që në fund të korrikut peshkatarët polakë kanë gjetur  tonelata peshq të ngordhur 300 km larg. Autoritetet polake gjetën në dy vende një lëndë të rrezikshëm helmuese, me gjasë Mesitylenin, që për peshqit është me pasoja fatale. Më vonë testet nuk treguan të dhëna për Mesitylen.

Prova të tjera të ujit që u morën nga autoritetet gjermane tregojnë vlera të larta të zhivës në anën gjermane të Oder në Brandenburg, njofton radioja publike rbb. Zhiva është si për njerëzit edhe për kafshët mjaft e rrezikshme. Por lumi Oder ka edhe probleme të tjera. Nxehtësia dhe thatësira. Kjo bën që peshqit në ujë të kenë një sasi të vogël oksigjeni, e arsyeja qëndron në nivelet e ulta të ujit. Kur ata janë të stresuar marrin frymë më shpejt dhe kjo do të thotë se kanë nevojë për më shumë oksigjen, thotë Christian Wolter, punonjës shkencor në Institutin e Leibnizit për ekologjinë ujore.

Eurodeputetja polake, Małgorzata Tracz shprehet e zemëruar mbi ngadalësinë e veprimit të autoriteteve. Megjithë njoftimet për një katastrofë mjedisore, autoritetet polake nuk paralajmëruan, as për të mënjanuar kontaktin me ujin. Sipas Małgorzata Tracz vetëm në afërsi të Olavas janë gjetur 8 tonë peshq të ngordhur.

Shoqatat gjermane bëjnë përgjegjëse masat e pamjaftueshme për ngordhjen masive si edhe mungesën e bashkëpunimit përtej ku fijve mes Gjermanisë, Çekisë dhe Polonisë. Eurodeputetja Małgorzata Tracz kujton se të tre vendet janë të lidhura përmes një marrëvesjhe të përbashkët ekologjike . Edhe Shoqata për Mbrojtjen e Mjedisit dhe Natyrën, BUND kritikon mungesën e bashkëpunimit.

Që nga fundi i korrikut vijnë vërdallë peshq të ngordhur në lumin Oder në në gjatësi prej disa qindra kilometrash”, thotë Broock. Ngordhja kaq masive është edhe një simptomë e gabimeve që janë bërë prej dekadash dhe pasojë e keqfinancimit të mbrojtjes ujore.

E . S / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.