Gjermani, qeveria masa për të mbrojtur punëtorët – 10 miliardë euro për të ndihmuar në përballimin e kostos së lartë të jetesës

Gjermania nis të marrë masat për të mbrojtur qytetarët nga inflacioni në rritje. 10 miliard euro do të jepen nga shteti për të ndihmuar punëtorët të cilët e kanë gjithnjë e më të vështirë të përballen me rritjen e vazhdueshme të kostos së jetesës.

Masa u konfirmua nga ministri gjerman i financave i cili deklaroi se për shumë njerëz jeta e përditshme është bërë shumë e kushtueshme. Ai shtoi se rritja e cmimeve të gazit, energjisë dhe ushqimeve do të vazhdojë ende. Në të njëjtën kohë perspektivat ekonomike të Gjermanisë janë bërë të brishta dhe parashikimet për rritjen ekonomike duhet të rishikohen në ulje. Ministri i financave theksoi se situata kërkon një reagim.

Në Skandinavi, Danimarka përjeton një rritje të çmimeve të mallrave ushqimore prej 13% në krahasim me një vit më parë. Kjo është rritja më e madhe vjetore që nga viti 1982, ndërsa prodhimet që shënojnë rritje rekord për vendin janë ushqimet, energjia elektrike, karburanti dhe gazi.

Dhe në Norvegji të dhënat e muajit korrik shënuan një rritje historike për prodhimet ushqimore dhe pijet analkolike.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.