Google do paguajë 118 milionë dollarë – Humb gjyqin përballë ish-nënpunëseve femra që e akuzonin për diskriminim gjinor

Google ka pranuar të paguajë 118 milion dollarë për të zgjidhur një padi kolektive për diskriminim gjinor.

Padia u ngrit në vitin 2017 nga disa ish-punonjëse që dyshohet se u emëruan në punë të nivelit më të ulët se kolegët meshkuj njësoj të kualifikuar, duke marrë për pasojë dhe paga më të ulëta. Ato akuzuan gjithashtu kompaninë se u mohoi promovimet apo transferimet në ekipe të tjera për të avancuar në karrierë.

Në një deklaratë për mediat, firmat ligjore që përfaqësojnë paditëset Kelly Ellis, Holly Pease, Kelli Uisuri dhe Heidi Lamar thanë se marrëveshja prek rreth 15.500 punonjëse femra në 236 pozicione të ndryshme, të cilat kanë punuar në Google në Kaliforni që nga 14 shtatori 2013.

Si pjesë e marrëveshjes, një ekspert i pavarur i palës së tretë do të shqyrtojë praktikat e nivelimit në kohën e punësimit të Google dhe një ekonomist i pavarur i punës do të rishikojë studimet e kapitalit të pagave të kompanisë. Puna, pas marrëveshjes, do të mbikëqyret nga një vëzhgues i jashtëm gjatë tre viteve të ardhshme.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.