Hapet tenderi për Milot-Fier – Aksi, pjesë e korridorit blu. Balluku: Gara ndërkombëtare, për 3 nga 4 lotet e segmentit

Ministria e Infrastrukturës dhe Energjisë ka hapur garën ndërkombëtare për ndërtimin e aksit rrugor Milot – Fier, pjesë e korridorit blu.

Aksi ka një gjatësi prej 114 km, por për 21 km nga Thumana në Kashar tashmë është shpallur kompania fituese. Ndërkaq, pjesa e tjetër e rrugës do të ndahet në 3 lote, për të cilët u hap edhe gara tenderuese.

Ndërkaq, sa i takon segmentit Milot – Murriqan, Balluku bëri me dije se është duke u kryer projektimi.

Kalimi në këtë segment për automjetet do të jetë me pagesë.

Autostrada Adriatiko – Joniane, e gjatë 1560 km, do ta përshkruajë Shqipërinë nga Murriqani në Kakavijë, në 300 kilometra, duke kaluar në Balldren, Milot, Thumanë, Kashar, Fier, Memaliaj, Subash e Gjirokastër, duke lidhur vendin tonë me Greqinë në jug dhe me Kroacinë në Veri.

Ola Mitre / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.