Inflacion ‘shock’ në Argjentinë, vjen kartëmonedha 10.000 pesos. Qytetarët të detyruar që të mbajnë më vete çanta me para
Argjentina po përjeton një situatë të trazuar ekonomike, me një inflacion që arriti në mars në nivelin 280 %. Përballë kësaj situatë, Banka Qendrore e Argjentinës ka njoftuar futjen në qarkullim të një kartëmonedhe të re prej 10 mijë pesos (afërsisht 10 dollarë) që bëhet kështu kartëmonedha më e madhe në qarkullim
Ky lajm përbën një lehtësim për argjentinasit që janë të detyruar që të lëvizin me çanta plot me para, qoftë edhe për të bërë shpenzimet e supërmarketit apo për të ngrënë një darkë.
Deri më tani, kartëmonedha më e madhe në qarkullim në Argjentinë ishte 2 mijë pesos.
Nxjerrja në treg e kësaj kartëmonedhe të madhe nuk është hapi i vetëm që po ndërmerr Banka e Argjentinës.
Në shtator ajo ka njoftuar se do të emetojë dhe një kartëmonedhë edhe më të madhe, tashme me një vlerë 20 mijë pesos.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.