Italia ndalon “agrovoltaikët” por vendimi shkakton reaksion. Operatorët: Të lejohen në tokat bujqësore ku nuk prodhohet më

Një dekret që ndalon instalimin e fotovoltaikëve për prodhim energjie në zona bujqësore ka shkaktuar jo pak reagime në Itali. Qeveria italiana ka miratuar mes debatesh dekretin i cili ndalon vendosjen e “agrovoltaikëve” në toka bujqësore, me përjashtim të rasteve kur për to përdoren struktura të larta. Pas politikanëve, për këtë dekret kanë ardhur reagimet e para të operatorëve të sektorit të energjisë.
“Tashmë për Italinë bëhet e pamundur prodhimi i energjisë ekonomike, me kosto të fiksuar për qytetarët dhe sipërmarrjet italiane” shkran në një komunikatë “Italia Solare”, shoqata e sipërmarrësve të fotovoltaikëve.
Ky ndalim, sipas tyre, jo vetëm që rrit ndjeshëm koston e investimeve, por edhe ka impakt në peisazhet që krijon kjo tipologji impiantesh, çka do të sjellë edhe probleme në fazën e autorizimit të tyre.
Kundër këtij dekreti ka dalë dhe Utilitalia, ku bëjnë pjesë kompanitë me kapital publik që furnizojnë me energji elektrike qytetet.
“Askush nuk do që tokat bujqësore të kthehen në terrene të egra por duhet bërë një arsyetim lidhur me zonat bujqësore që nuk janë më në prodhim bujqësor dhe që mund të konvertohen në hapësira për zhvillimin e parqeve fotovoltaike. Por ky dekret e përgjithëson këtë ndalim dhe nuk krijon fleksibilitete” ka deklaruar drejtori i Utilitalia.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.