Bizneset shqiptare, më pak vëmendje nga inovacioni. Lahe: Me investimet në teknologji ke mundësi të konkurrosh në tregje ndërkombëtare 

“Në raportin e fundit Këshilli i Investimeve ka arritur në konkluzionin që bizneset shqiptare kanë më pak interes për të investuar në inovacion apo në teknologji dhe përqindjet janë të tilla që 54% kanë një interest ë shtuar apo përkushtim ndaj inovacionit në bzineset e tyre, 34% më pak vëmëndje ndaj inovacionit dhe 21% nuk kanë vëmendje aspak përsa i përket përkushtimit apo investimit në inovacion. Unë aktualisht, siç shihet dhe nga pamjet, jam në një nga ato kompani të cilat kanë treguar interes të lartë për të avancuar me inovacionin dhe për të investuar në të. Por pse bizneset shqiptare po zgjedhin të mos investojnë në inovacion?”

“Kryesisht investimi në inovacion ka dy element, së pari ka elementet e mentalitetit, pra t’i duhet të jesh i gatshëm që një pjesë të parave që ti fiton t’i investosh, pra t’i rishpenzosh për të rritur efiçencën në inovacion, për të automatizuar disa procese dhe së dyti ka të bëjë me një ekonomi që akoma nuk është premtuese për shumë sipërmarrës” shprehet Rezart Lahi, anëtar i bordit të bizneseve online.

Por si ndikon në rritjen e efiçencës investimi në inovacion dhe cili është ndryshimi që ata kanë?

“Zakonisht bizneset që kanë investuar në teknologji dhe inovacion, në të shumtën e rasteve janë lidership dhe janë drejtues të asaj industrie sepse janë të gatshëm të rrezikojnë, që një pjesë të fitimeve t’i hedhin për inovacion. Sa më shumë të investohet në këto kur ka mundësi, të bën diferencim me të tjerët sepse rrit efiçencën, ul kostot, ul gabimet, rrit shpejtësinë dhe të diferencon në treg në raport me konkurrencën” shprehet Lahi. 

Investimi në inovacion është një mundësi që të zhvillohesh ndërkombëtarisht dhe rrit konkurrencën.

“Një prej arsyeve kryesore është të hapi treg përtej vendit aktual. Nëse ke investuar në inovacion, je i aksesueshëm, ke mundësi të shesësh apo të zhvillosh dhe në tregje ndërkombëtare” shprehet me tej Lahi.

Diamila Leka/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.