Inflacioni i Eurozonës shënon rekord të ri, duke shtuar premisat për rritje të mëdha të normave të BQE!

Inflacioni i Eurozonës u rrit në një tjetër nivel rekord në maj, duke sfiduar pikëpamjen e Bankës Qendrore Europiane se rritja graduale e normave të interesit nga korriku do të jetë e mjaftueshme për të zbutur rritjen e lartë të çmimeve. Inflacioni në 19 vendet që ndajnë euron u përshpejtua në 8.1% në maj nga 7.4% në prill, duke mposhtur pritshmëritë për 7.7% ndërsa rritja e çmimeve vazhdoi të zgjerohej, duke treguar se nuk është më vetëm energjia që tërheq shifrën kryesore.

Çmimet janë rritur ndjeshëm në të gjithë Europën gjatë vitit të kaluar, fillimisht për problemet e zinxhirit të furnizimit pas pandemisë, më pas për luftën e Rusisë në Ukrainë, duke sugjeruar që një epokë e re e rritjes së shpejtë të çmimeve tani po fshin një dekadë inflacioni ultra të ulët.

Ndonëse inflacioni total tani është 4 herë më i lartë se objektivi i BQE-së prej 2%, politikëbërësit e BQE-së mund të jenë më të shqetësuar nga rritja e shpejtë e çmimeve bazë, të cilat tregojnë se ajo që dikur shihej një rritje kalimtare e çmimeve, tani është duke u ngulitur.

Inflacioni pa përfshirë çmimet e ushqimeve dhe energjisë, i ndjekur nga afër nga BQE, u përshpejtua në 4.4% nga 3.9% në krahasim me një vit më parë, ndërsa një masë edhe më e ngushtë, që përjashton gjithashtu alkoolin dhe duhanin, u përshpejtua në 3.8% nga viti në vit nga 3.5%. ne prill.

Duke shpresuar për të zbutur inflacionin, presidentja e BQE-së Christine Lagarde dhe kryeekonomisti Philip Lane kanë shënuar tashmë rritje me 25 pikë bazë në normën e depozitave të BQE-së minus 0.5% në korrik dhe shtator. Por disa politikëbërës dhe ekonomistë dyshojnë se kjo do të jetë e mjaftueshme, veçanërisht pasi inflacioni themelor nuk po tregon shenja uljeje.

Problemi është se sapo çmimet e larta të energjisë depërtojnë në ekonomi, inflacioni zgjerohet dhe rrënjoset, duke u përjetësuar përfundimisht nëpërmjet një spiraleje çmim-paga. Ndërsa provat e një tendence të tillë nuk janë ende të qarta, një varg të dhënash nga një rritje e pagave të negociuara në zgjerimin e inflacionit bazë tregojnë një rrezik në rritje.

Kjo është arsyeja pse guvernatorët e bankës qendrore të Austrisë, Holandës dhe Letonisë kanë thënë të gjithë se një rritje e normës me 50 pikë bazë në korrik duhet të jetë në tryezë. Klaas Knot, kreu i bankës qendrore holandeze madje argumentoi se pritjet e inflacionit janë tani në skajin e sipërm të asaj që ende mund të klasifikohet si ankoruar, duke treguar se familjet dhe investitorët së shpejti mund të fillojnë të dyshojnë në vendosmërinë e BQE-së për të zbutur rritjen e çmimeve.

BQE-ja do të mblidhet më 9 qershor, ku do të përfundojë zyrtarisht një skemë të blerjes së obligacioneve në fund të qershorit dhe do të vazhdojë të sinjalizojë rritjen e normës.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.