Inflacioni në Maqedoninë e Veriut arrin në 14.5% – Çmimet e ushqimeve shënojnë rekorde të reja

Inflacioni në Maqedoninë e Veriut ka arritur në 14.5% në muajin qershor. Në fillim të muajit të kaluar u ndërprenë të gjitha masat e qeverisë për të zbutur goditjet e çmimeve, duke bërë që çmimet e produkteve ushqimore të rriten me rreth 20% në vetëm 24 orë

Çmimet e ushqimit në Maqedoninë e Veriut shënojnë rekorde të reja. Enti Shtetëror i Statistikave konfirmoi inflacion rekord prej 14.5 për qind, për muajin qershor krahasuar me periudhën e njëjtë të vitit të kaluar.

Vaji ushqimor u rrit me më shumë se 50 për qind, buka për 30 për qind. Qumështi, vezët dhe djathi shiten me çmime gati 20 për qind më të larta brenda një viti.

Ekspertët paralajmërojnë se masat për të zbutur goditjet e çmimeve duhet të vazhdojnë, por duhet të ketë edhe të reja. Sipas tyre për të zbutur normën e inflacionit, Banka Popullore duhet të marrë masa më rigoroze dhe shtrëngim të politikës monetare me rritje të përsëritur të normës së interesit.

Krahas çmimeve të ushqimeve, statistikat për periudhën maj-qershor të këtij viti shënojnë rritje të çmimeve të karburanteve për 17.2%, prenotimeve turistike për 6.4%, transportit rrugor 4% dhe shërbimeve në restorante dhe kafene për 2.5%.

Në fillim të muajit të kaluar u ndërprenë të gjitha masat e qeverisë për të zbutur goditjet e çmimeve, duke bërë që çmimet e produkteve ushqimore të rriten me rreth 20% në vetëm 24 orë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.