Japonezët braktisin paratë cash – Inflacioni i lartë ndryshon traditën e lashtë të kursimit

Japonezët po braktisin patatë cash duke ndryshuar dhe traditën e lashtë të kursimit. Gjithnjë e më pak para po hidhen në qarkullim, dhe pse Banka e Japonisë nxitoi të konfirmojë se familjet japoneze vazhdojnë të mbajnë llogari bankare

Japonezët po braktisin lidhjen e tyre me paratë e gatshme për shkak të inflacionit. Inflacioni më i lartë që ka parë Japonia në dekada po ndryshon qëndrimet e njerëzve ndaj traditës japoneze të kursimit.

Duke qenë se ekonomia e vendit ishte në stanjacion prej shumë vitesh, konsumatorët më së shumti zgjodhën t’i vendosnin paratë e tyre në llogari bankare, pavarësisht se nuk kishin fitim, pasi normat e interesit ishin zero. Dhe ndryshimi reflektohet në qëndrimin japonez ndaj parave të gatshme dhe në veçanti ndaj monedhave. Duket se japonezët po braktisin lidhjen e tyre tradicionale me paratë.

Banka e Japonisë thekson se familjet japoneze mbajnë ende llogari bankare, ndërkohë që ulja e kartëmonedhave në qarkullim është e vogël. Ndërkohë, qarkullimi i monedhave është në rënie të dukshme, ku monedha 500 jen është më e madhja. Kjo është monedha që tradicionalisht prindërit u japin fëmijëve për ta vendosur në arkën e tyre të kursimit.

Sipas të dhënave nga Banka e Japonisë, numri i monedhave në qarkullim ka rënë në mënyrë të vazhdueshme që nga vitet 1970, por në 18 muajt e fundit ka rënë ndjeshëm në krahasim me të njëjtën periudhë të vitit të kaluar. Sigurisht që pati një moment jashtëzakonisht negativ, kur pandemia u kombinua me tarifat bankare, inflacionin dhe rritjen e teknologjisë së pagesave pa para.

Popullariteti i pagesave pa para filloi të rritet me shpejtësi gjatë pandemisë, pasi u përhapën thashethemet se monedhat ishin “të kontaminuara” dhe ndoshta bartës të koronavirusit. Megjithatë, ai u përshpejtua gjatë vitit të kaluar, kur shifrat makroekonomike të vendit filluan të ndryshojnë dhe mbi të gjitha u përshpejtua inflacioni.

Kështu, transaksionet pa para të gatshme u rritën në mënyrë spektakolare dhe arritën të përfaqësonin 36% të të gjitha pagesave të konsumatorëve, ndërsa vetëm një dekadë më parë përqindja përkatëse nuk kalonte 15%.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.