Jeni japonez arrin nivelet më të dobëta kundrejt Dollarit që nuk janë parë që nga gushti 1990!

Jeni japonez u dobësua përtej 150 kundrejt dollarit amerikan, një nivel kyç psikologjik, duke arritur nivele të papara që nga gushti 1990.

Takimi dyditor i Bankës së Japonisë është planifikuar për javën e ardhshme. Politikëbërësit kanë përjashtuar një rritje të normës për të mbrojtur kundër dobësimit të mëtejshëm të monedhës.

Të enjten, yield-et e borxhit të qeverisë 10-vjeçare të Japonisë shkelën kufirin prej 0.25% që banka qendrore u zotua të mbronte nivelin e fundit në 0.252%. Rendimenti i obligacionit 20-vjeçar gjithashtu u rrit në nivelin më të lartë që nga shtatori 2015.

Banka e Japonisë njoftoi gjithashtu operacionet emergjente të blerjes së obligacioneve të enjten. Ajo ofroi të blinte 100 miliardë jen (666.98 milionë dollarë) obligacione qeveritare japoneze me maturim 10-20 vjet dhe një këst tjetër me vlerë 100 miliardë jen me maturime 5-10 vjet.

Banka qendrore është zotuar në mënyrë të përsëritur të blejë një sasi të pakufizuar obligacionesh me një normë fikse në mënyrë që të kufizojë yield-et e borxhit 10-vjeçar të qeverisë në 0.25% si pjesë e masave të saj stimuluese për ekonominë.

Të enjten, Reuters raportoi se ministri japonez i financave Shunichi Suzuki tha se qeveria do të marrë “hapat e duhur kundër paqëndrueshmërisë së tepërt”.

“Rëniet e fundit të shpejta dhe të njëanshme të jenit janë të padëshirueshme. Ne absolutisht nuk mund të tolerojmë lëvizje tepër të paqëndrueshme të nxitura nga tregtia spekulative, “tha ai.

Menjëherë pas vendimit të fundit të Bankës së Japonisë për të mbajtur norma të ulëta interesi për të mbështetur ekonominë e ngadaltë të vendit muajin e kaluar, zyrtarët konfirmuan se ndërhynë për të mbështetur monedhën kundër dobësimit të mëtejshëm.

Kjo ndërhyrje e shtyu për një kohë të shkurtër jenin në 142 kundrejt dollarit. Diferenca midis pikës më të lartë dhe më të ulët brenda ditës ishte gjithashtu në nivelin më të madh që nga viti 2016.

Në prill të vitit 1990, jeni u tregtua rreth 159.8 kundrejt dollarit dhe për herë të fundit kapërceu 160 në dhjetor 1986.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.