Kanadaja po lançon një skemë pune në distancë për të joshur nomadët dixhitalë në vend
Kanadaja po zhvillon një skemë për të tërhequr nomadët dixhitalë në vend.
Emigracioni, Refugjatët dhe Shtetësia Kanada (IRCC) tha se planet synonin ta bënin Kanadanë një destinacion të përshtatshëm për nomadët dixhitalë. Sipas rregullave aktuale të emigracionit kanadez, nomadët dixhitalë mund të qëndrojnë në Kanada deri në gjashtë muaj nën statusin e vizitorit, ndërsa ende punojnë për kompani të huaja.
Detajet e skemës së re janë ende të paqarta. Megjithatë, IRCC tha se planifikonte të bashkëpunonte me partnerë publikë dhe privatë për të aksesuar nëse nevojiteshin më shumë politika për të tërhequr punëtorët globalë në distancë.
Departamenti qeveritar tha se zhvillimet ishin pjesë e një shtytjeje për të rekrutuar talente jashtë shtetit, veçanërisht punëtorë të teknologjisë shumë të aftë.
“Ne presim që disa nomadë dixhitalë që fillimisht hyjnë në Kanada për të punuar në distancë do të vendosin të kërkojnë mundësi me punëdhënësit kanadezë,” tha IRCC në një njoftim. “Kur marrin një ofertë pune nga një kompani kanadeze, ata do të jenë në gjendje t’i sjellin aftësitë e tyre një punëdhënësi kanadez duke aplikuar për një leje pune të përkohshme apo edhe qëndrim të përhershëm.”
Qeveritë në mbarë botën kanë zhvilluar politika për punëtorët në distancë që kur pandemia COVID-19 e rriti praktikën.
Më shumë se 25 vende ofrojnë “viza nomade dixhitale”, duke përfshirë Balin, Portugalinë dhe Greqinë. Qeveritë shpresojnë se vizat do të inkurajojnë më shumë ekonomi turistike të qëndrueshme pasi pandemia mbylli shumicën e udhëtimeve ndërkombëtare dhe dëmtoi ekonomitë e varura nga turistët.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.