‘Kërcen’ Dollari amerikan ndërsa Euro dhe Paundi mbeten statik!
Dollari amerikan ka regjistruar një rritje të fortë të vlerës këtë mëngjes pasi në raport me ditën e djeshme është blerë sot me 114.7 lekë dhe është shitur me 115.9 lekë sipas kursit të këmbimit lokal.
Franga zvicerane gjithashtu ka pasur një ngjitje të rëndësishme të vlerës këtë të mërkurë pasi krahasuar me një ditë më parë blihet sot me 118 lekë dhe shitet me 119.2 lekë.
Monedha europiane sakaq nuk ka pësuar luhatje të ndjeshme të kuotës mëngjesin e sotëm teksa vijon edhe sot të blihet me 118.1 lekë dhe të shitet me 118.9 lekë duke mbetur sërish në kurbë zbritëse në raport me monedhën vendase.
Paundi britanik edhe ai nuk ka shënuar lëvizje të rëndësishme të vlerës duke vijuar edhe sot të blihet me 136.6 lekë dhe të shitet me 138 lekë referuar tregut të brendshëm valutor në raport me dje.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.