Qeveria gjermane merr vendimin e rëndësishëm për lejet e qëndrimit të emigrantëve!
Kabineti qeveritar gjerman vendosi të mërkurën për ligjin e “shansit për të drejtë qëndrimi”. Një lajm i mirë për ata që duhet të kalonin prej vitesh në Gjermani nga një leje “Duldung” në tjetrën.
Të mërkurën (06.07) kabineti qeveritar gjerman vendosi për paketën e parë të reformës së emigracionit. Projektligji i Ministrisë së Punëve të Brendshme parashikon futjen e një të ashtuquajturi “shans për të drejtë qëndrimi”.
Kjo u hap një kategorie të huajsh në Gjermani mundësi të reja për të marrë një status të sigurtë qëndrimi.
Emigrantët që jetojnë prej pesë vjetësh apo më gjatë në Gjermani me lejen “Duldung” (pezullim i përkohshëm i dëbimit të personave pa të drejtë qëndrimi) do të kenë mundësi që të jetojnë legalisht gjithmonë në Gjermani.
Konkretisht personat e prekur nga rregullorja e do të marrin për 1 vit provë, një leje qëndrimi. Nëse në këtë kohë ata tregojnë, se zotërojnë gjuhën gjermane, dhe mund ta sigurojnë jetesën, mund të marrin një leje qëndrimi afatgjatë në Gjermani.
Nëse futet në fuqi rregullorja e re, prej saj do të përfitonin 105.000 persona. Po ashtu parashikohet edhe zgjatja e burgimit para dëbimit për të dënuar të caktuar deri në gjashtë muaj, derisa autoritetet të sigurojnë dokumentacionin e kërkuar. DW
E . S / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.