Kërkesa: Transparencë për të ardhurat e 3 muajve nga rritja e çmimeve të naftës
Rritja e lartë e çmimeve ka sjellë dhe reagimin e organizatave të cilat kërkojnë transparencë nga qeveria.
Në një deklaratë për mediat këtë të premte Nisma Thurje i ka kërkuar Ministrisë Së Financave Dhe Ekonomisë të bëjë publike fitimet e 3 muajve të fundit nga rritja e çmimeve të hidrokarbureve në vendin tonë.
“Në bursë, nafta ka qenë në rënie, ndërsa në Shqipëri çmimi po kapërcen shifra të çmendura, si kurrë më parë. Ne duam të dimë: Me çfarë çmimi e blen Shqipëria karburantin nga jashtë? Me çfarë çmimi zhdoganohet? Sa është sasia e blerë? Si e përllogarit Bordi çmimin? Sa fitim kanë deklaruar kompanitë e karburanteve për 3 muaj? Ne e dimë sa parà kanë humbur shqiptarët që nga krijimi i Bordit por duam të dimë sa parà ka fituar qeveria me këto çmime?,‘ thuhet në deklaratë.
Duke e cilësuar një zhvatje nga xhepat e qytetarëve, Organizata Thurje i bën thirrje Ministrisë së Ekonomisë për një reagim sa më të shpejtë në të kundërt do të përgatiten për protesta massive.
Nga kriza e shkaktuar nga lufta Rusi-Ukrainë prej rreth 3 muajsh vendi ynë vuan rritjen e çmimeve në shumë sektorë.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.