KESH fiton 431 mijë euro nga optimizimi – Realizohen tre procedura, shiten dhe blihen 35.300 mWh energji

Korporata Elektorenergjetike Shqiptare ka siguruar rreth 431 mijë euro nga procedurat e optimizimit, që përfshijnë shitje dhe blerje të energjisë elektrike. Kjo, përmes 3 procedurave të realizuara për periudhën kohore 23 mars deri në 12 prill.

Sipas të dhënave të publikuara nga KESH janë rreth 35,300 mijë mWh energji që janë tregtuar në procedurat e optimizimit, ku për gjysmat e tyre Korporata ka qenë në rolin e blerësit, ndërsa për gjysmat e tjera në rolin e shitësit.

Realizimi i procedurave të shit – blerjes së energjisë synon përfitimin nga diferenca e çmimit të shitjes me atë të blerjes. Kjo pasi, e njëjta sasi energjie blihet dhe shitet në profile të ndryshme orare.

Ndërkohë që, referuar legjislacionit në fuqi blerja bëhet me çmim më të ulët se shitja, duke siguruar të ardhura shtesë për Korporatën Elektorenergjetike Shqiptare.

Në fakt, këto janë procedurat e para të optimimizimit jo vetëm për vitin 2024, por edhe për vitin që shkoi duke qenë se Korporata nuk realizoi asnjë procedurë të tillë. Ndërkohë, referuar praktikave të viteve të kaluar ato kryhen në peiudha jo të favorshme hidrike.

Ndërkaq, sipas të dhënave publike të KESH, deri më tani nuk është realizuar asnjë procedurë për shitje energjie apo blerjeje energjie.

Ola Mitre /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.