Kinezët parashikojnë çmimet e litiumit – Tregu më i madh i prodhimit të baterive, pret rritje të kërkesës

Industria kineze e litiumit do të përfitonte nga një stabilizim i çmimeve, deklaroi kompania Ganfeng Lithium, një furnizues kryesor kinez i lëndës së parë për bateritë e automjeteve. Kërkesa për litium nga prodhuesit e baterive pritet të rritet mes një prirjeje të pakthyeshme të tranzicionit global të energjisë.

Çmimet e litiumit në Kinë kanë rënë gjatë vitit të kaluar për shkak të zgjerimit të furnizimeve dhe ngadalësimit të kërkesës. Çmimet e karbonatit të litiumit në tregun më të madh të automjeteve elektrike në botë janë duke lëvizur rreth 100,000 juanë (14,000 dollarë) për ton, rreth një e gjashta e pikut të tyre të nëntorit 2022. Rënia e çmimit ka goditur fitimet e minierave, duke kërcënuar të frenojë prodhimin global.

Kompanitë kineze dhe qeveria kanë marrë shumë masa për të stabilizuar çmimet, duke përfshirë nisjen e një platforme të tregtimit të së ardhmes me karbonat litium dhe kompanitë që bëjnë blerje nëpërmjet kontratës afatgjatë për të siguruar furnizim dhe çmime të qëndrueshme.

Zhvillimet gjeopolitike shkaktojnë disa pengesa dhe rreziqe të investimeve, deklaroi  kompania Ganfeng Lithium, që ka investime masive jashtë vendit, përfshirë Australinë dhe Argjentinën. Ajo eksporton në Evropë, Japoni dhe Korenë e Jugut.

Filialit të Gangfeng në Meksikë iu desh të shtynte pafundësisht objektivin e saj për të nisur prodhimin në miniera, pasi qeveria lokale anuloi nëntë nga koncesionet e saj.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.