Britania, fatura rekord të papaguara të energjisë – Shuma llogaritet në 3,1 miliardë paund. Shqetësim, aftësia paguese e familjeve

Rregullatori i energjisë në Britani, Ofgem, nisi një program për të ndihmuar konsumatorët mes kostove të larta të energjisë dhe për të gjetur mënyra në adresimin e një shume rekord prej 3.1 miliardë paund (3.98 miliardë dollarë) të faturave të papaguara. Megjithëse çmimet e energjisë kanë rënë në muajt e fundit, aftësia paguese për shumë familje mbetet një shqetësim, ndërsa Ofgem muajin e kaluar tha se borxhet e klientëve, ose faturat e papaguara, janë rritur.

Ofgem tashmë ka një kufi çmimi, por kjo u rrit në 3,549 paund në vit për një familje mesatare në tetor 2022, pasi pushtimi rus i Ukrainës çoi në çmime rekord të shitjes me shumicë të energjisë dhe arriti kulmin në mbi 4,000 paund në janar 2023.

Për të parandaluar kostot e rënda për familjet, qeveria subvencionoi faturat e energjisë për t’i kufizuar ato në 2,500 paund në vit për përdorim mesatar deri në fund të qershorit 2023, kur kufiri i Ofgem ra përsëri nën këtë nivel.

Rregullatori ka deklaruar më parë se Britania duhet të konsiderojë nisjen e një tarife sociale për energjinë që konsumohet në banesa, që do të ngarkonte shtresat më të cënueshme me një çmim më të ulët, por shtoi se vendimmarrja për këtë qëllim I takon qeverisë.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.