Kompensimi i materialeve të ndërtimit, zbardhet Akti – Qeveria: Kompanitë do përfitojnë deri 30% të vlerës. Do verifikohet në terren për abuzime

Qeveria ka dërguar në Kuvend Aktin Normativ ku ka vendosur të kompensojë kompanitë të angazhuara në punë publike pas rritjes çmimeve të materialeve të ndërtimit. Akti përmbledh kontratat publike per pune, te financuara me fonde te buxhetit te shtetit, te njësive te qeverisjes qendrore dhe vendore, njësive zbatuese te caktuara ne kuadër te procesit te rindërtimit apo te enteve te tjera publike, si dhe për shoqëritë me kapital shtetëror te paktën 51 % apo me financim te huaj, qe përballohen nga fondet e shoqërive me kapital shtetëror.

Kompensimi i secilit prej operatoreve ekonomike qe përmbushin kriteret e këtij akti normativ, do behet ne masën nga 5% deri ne 30% te vlerës që zënë materialet e hekurit, bitumit, çimentos, tubave plastike, aluminit, bakrit dhe zinkut ne kontratat publike respektive.

Akti detyron Autoritetet kontraktore që ti shqyrtojnë kërkesat për kompensim Brenda 30 ditëve, ndërkohë që shtesa e kontratës hartohet ne baze te rritjes se çmimit ne raport me vlerën e këtyre materialeve ne kontratën publike per pune.

Akti merr parasysh edhe rrezikun e abuzimeve, duke detyruar autoritetet kontraktore të verifikojnë në terren çdo dyshim. “Me qellim shmangien e abuzimit, strukturat shtetërore dhe autoritetet kontraktore mund të kryejnë edhe verifikime ne vend, ne rast konstatimi te pasaktësive ne dokumentacionin e paraqitur nga shoqëritë. Per kryerjen e verifikimeve autoritetet kontraktore mund te marrin edhe eksperte sipas fushave përkatëse”, përcakton Akti Normativ.

Lorenc Rabeta / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.