Koncepti i super jahtit të krijuar për të qenë “praktikisht i padukshëm”! (FOTOT)

Zakonisht është relativisht e vështirë të mos vëresh një super jaht, por ky koncept i ri nga Jozeph Forakis Design në fakt është krijuar për t’u zhdukur në sfond. I përshkruar si “praktikisht i padukshëm” si në dizajn ashtu edhe në ndikimin mjedisor, koncepti 88 metra Pegasus do të jetë superjahti i parë i printuar 3D në botë, sipas projektuesit.

Anija e madhe do të ketë “krahë” me xham që pasqyrojnë rrethinën e saj në përpjekje për t’i mundësuar asaj të përzihet me ambientin përreth. Superstruktura e super jahtit do të pajiset me panele diellore që fuqizojnë elektrolizuesit që nxjerrin hidrogjenin nga uji i detit.

Hidrogjeni më pas do të shndërrohet në energji elektrike, e cila ruhet në bankat e baterive litium-jon që mund të përdoren për të fuqizuar sistemet operative dhe pajisjet.

Koncepti Pegasus do të prodhojë zero emetime dhe do të mbajë një gamë pothuajse të pafundme, sipas Forakis, i cili thotë se e kishte ëndërruar dizajnin ndërsa vizitonte një plazh në Greqi.

Sipas ekipit në Jozeph Forakis Design, projekti është zhvilluar me një filozofi “fakt shkencor, jo trillim” dhe teknologjitë kryesore të kërkuara për ta sjellë atë në jetë do të kërkojnë “evolucion të mëtejshëm” për ta ndërtuar atë.

Forkais vlerëson se koncepti do të marrë pesë deri në shtatë vjet për t’u ndërtuar dhe shpreson që ai të prezantohet deri në vitin 2030. Ndërsa studioja e dizajnit me sa duket ka marrë tashmë “disa” pyetje serioze nga blerësit, Pegasus mbetet vetëm një koncept në këtë kohë.

Koncepti inovativ është një nga një sërë modelesh të reja emocionuese të superjahteve që janë zbuluar muajt e fundit si ai i studios italiane Lazzarini Design Studio quajtur Plectrum dhe ai i studios spanjolle Rodriguez Design i quajtur Catalina.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.