Kosova zëvendëson forcën punëtore me robotë – Kompanitë riorganizohen për shkak të mungesës së stafit

Kryetari i Odës Ekonomike të Kosovës, Lulzim Rafuna, tha se shumë biznese prodhuese në vend kanë qenë të detyruara të blejnë pajisje të automatizuara. Në një intervistë për mediat më në vend ai sqaroi se një gjë e tillë ndodh për shkak të mungesës së fuqisë punëtore. Ai përmendi shembullin kur një kompani që prodhon karrige ka blerë tre robotë për t’i zëvendësuar ata me katër punëtorë që u larguan.

Puna e tyre është lyerja e karrigeve. Sipas tij shumica e bizneseve për shkak mungesës së fuqisë punëtore janë detyruar të riorganizohen. Pra janë të detyruar të blejnë pajisje të cilat janë të automatizuara, që të reduktojnë varësinë nga fuqia punëtore.

Kjo ka ardhur edhe si rezultat e rritjes së cilësisë së prodhimit dhe standardit, por ka ardhur më shumë si rezultat i mungesës së fuqisë punëtore. Rafuna shtoi se një vendim i tillë po ndihmon bizneset që të kalojnë me sa më pak dëme pengesat që iu shkakton mungesa e fuqisë punëtore. Sipas tij shtrenjtimi i energjisë elektrike mbetet sfida kryesore me të cilën po përballen bizneset, bashkë me mungesën e fuqisë punëtore.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.