KPP sanksionoi 54 ankesa në shkurt – Tirana kryeson ndaj ankesave të Prokurimeve Publike
Prokurimet publike vijojnë të depozitojnë ankesa. Në të dhënat e fundit të Buletinit të Komisionit të Prokurimit Publik, raportohet se janë sanksionuar 54 ankesa, ku 53 janë adresuar për procedura të prokurimit publik dhe një për procedura ankandi.
Në po të njëjta të dhëna raportohet se ankesat sipas fazës së procesit në të cilën është paraqitur ankimi, kryesojnë ankesat për vlerësim ofertash duke regjistruar 28 të tilla, ndërsa për Dokumentet Standarde të Tenderit (DST) janë 28 ankesa.
Përsa i përket kategorizimit të ankesave sipas llojit të kontratës, përkatësisht në punë publike janë 3 ankesa, në mall 32 kurse shërbime vetëm 19.
Shpërndarja e hartës së ankesave vijon sa më poshtë. Tirana kryeson ku janë adresuar 35 ankesa, më pas Kukësi me 4 të tilla, e vijuar me Fierin dhe Vlorën përkatësisht 3 ankesa, Elbasani, Korça dhe Gjirokastra me 2 ankesa ndërsa Berati, Durrësi, Dibra me nga 1 ankesë.
Ndërkaq përsa i përket të dhënave financiare konkretisht janë depozituar në muajin shkurt 5,690,314 lekë si tarifa financiare të arkëtuara si garanci për procedura prokurimi
Diamila Leka/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.