Kthesë historike në samitin e klimës COP28 – Arrihet marrëveshja për largimin nga karburantet fosile brenda 2050

Ministrat e qeverive që përfaqësojnë gati 200 vende arritën një marrëveshje që kërkon një tranzicion larg karburanteve fosile, pasi një propozim i mëparshëm u prit me reagime të forta.

Me anë të një statusi në platformat sociale, presidenca e samitit të Emirateve të Bashkuara Arabe konfirmoi se me një referencë të paprecedentë për largimin nga të gjitha lëndët djegëse fosile, Konsensusi i Emirateve të Bashkuara Arabe po jep një ndryshim paradigme që ka potencialin për të ripërcaktuar ekonomitë e vendeve pjesëmarrëse. Dubai ka qenë mikpritës i konferencës për dy javët e fundit në një sfond polemikash, konfliktesh gjeopolitike dhe rritje të ngjarjeve ekstreme të motit.

Propozimi i fundit i publikuar nga Emiratet e Bashkuara Arabe bënte thirrje për “largimin e lëndëve djegëse fosile në sistemet e energjisë, në një mënyrë të drejtë, të rregullt dhe të barabartë, duke përshpejtuar veprimet në këtë dekadë kritike, në mënyrë që të arrihet niveli zero i emetimeve deri në vitin 2050.

Teksti i marrëveshjes kërkoi gjithashtu përshpejtimin e përpjekjeve drejt uljes së pandërprerë të energjisë së qymyrit dhe trefishimin e kapacitetit të energjisë së rinovueshme globalisht. Por dhe dyfishimin e normës mesatare vjetore globale të përmirësimeve të efiçencës së energjisë deri në vitin 2030. Në mënyrë kritike, propozimi nuk mandatonte një largim absolut të hidrokarbureve.

Një angazhim me faza, ka të ngjarë të kërkojë një zhvendosje nga karburantet fosile derisa përdorimi i tyre të eliminohet, ndërsa një marrëveshje me faza do të kishte treguar një reduktim të përdorimit të tyre – por jo një fund absolut.

Shumë besonin se samiti COP28 mund të konsiderohej një sukses vetëm nëse do të rezultonte në një marrëveshje për të hequr dorë nga të gjitha lëndët djegëse fosile. Të hënën, një aktivist i ri i klimës doli në skenë për të bërë thirrje për veprim mbi këtë çështje. Licypriya Kangujam, 12 vjeç, ndërpreu një konferencë të presidencës, ndërsa mbante një tabelë ku shkruhej: “Jepini fund karburantit fosil. Shpëtoni planetin tonë dhe të ardhmen tonë.”

Djegia e qymyrit, naftës dhe gazit është kontribuesi më i madh në ndryshimet klimatike, duke përbërë më shumë se tre të katërtat e emetimeve globale të gazeve serë. Deklarata vjen pasi një projekt-tekst i mëparshëm i botuar në grahmat e fundit të bisedimeve shkaktoi kritika të gjera për dështimin e përfshirjes së vendimit për përfundimin e përdorimit të lëndëve djegëse fosile, pasi negociatat nxorën në dukje përçarje të thella midis politikëbërësve mbi të ardhmen e hidrokarbureve.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.