Kush është Bajram Begaj, kandidati zyrtar për President i Republikës!  Karriera e Shefit të Shtabit të Ushtrisë që votohet të shtunën

Bajram Begaj do të jetë kandidatura zyrtare e Partisë Socialiste për postin e Presidentit të Republikës. Lajmi u bë i ditur nga kryeministri Edi Rama, pas mbledhjes së grupit parlamentar.

Emri i tij u përzgjodh mes 26 kandidaturave.

Begaj është aktualisht Shef i Shtabit të Përgjithshëm të Ushtrisë. Ai ka lindur në vitin 1967 ne Rrogozhine dhe që prej vitit 2020 mban këtë detyrë. Më herët, ai ka qenë Komandant i Komandës së Trajnimit dhe Doktrinës, Shef i Njësisë Mjekësore Ushtarake, Drejtor i Inspektoratit Shëndetësor dhe Kryeinspektor dhe Këshilltar i Inspektoratit Shëndetësor në Shtabin e Përgjithshëm të Forcës së Armatosur Shqiptare, raporton SCAN.

Begaj është profesor i asociuar i mjekësisë.

Presidenti i Republikës Ilir Meta i dha ne vitin 2020  gradën madhore “Gjeneral Major”  duke e futur ate në historinë e Forcave te Armatosura, pasi u be mjeku i parë në ushtri qe arriti  të bëhet gjeneral major, e cila është grada më e lartë.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.