Karakaçi në Prishtinë: Shqipëria përmbushi detyrimet e Kapitullit 15 për energjinë. Nevojiten më shumë investime rajonale
'Shqipëria ka përmbushur të gjitha detyrimet ligjore të parashikuara në Kapitullin 15 të Bashkimit Evropian për sektorin e energjisë, duke u renditur, së bashku me Malin e Zi, ndër vendet më të avancuara të rajonit në këtë drejtim.'
Deklarata u bë nga ministri i Infrastrukturës dhe Energjisë, Enea Karakaçi, gjatë Ministerialit të Komunitetit të Energjisë, të zhvilluar në Prishtinë, ku u diskutua ecuria e vendeve të rajonit në përafrimin e legjislacionit me standardet e Bashkimit Evropian.
Karakaçi bëri të ditur se miratimi i ligjit të ri për sektorin e energjisë elektrike shënon përmbushjen e një detyrimi kyç në procesin e integrimit evropian.
“Shqipëria ka miratuar ligjin e sektorit të energjisë elektrike, duke përmbyllur detyrimin që rrjedh nga Kapitulli 15 i energjisë. Kjo e vendos vendin tonë në një pozitë shumë të përparuar krahasuar me vendet e tjera të rajonit”, u shpreh ministri.
Ai theksoi se mbi 10% e energjisë elektrike që prodhohet në Shqipëri vjen tashmë nga burimet diellore, ndërsa gjatë ditëve të fundit të verës prodhimi nga centralet fotovoltaike ka qenë aq i lartë, sa kaskada e Drinit nuk ka qenë e nevojshme të vihet në funksion.
Sipas Karakaçit, vendi ka aktualisht rreth 650 megavat kapacitete të instaluara të energjisë diellore, ndërkohë që projekte të reja në fushën e energjisë diellore dhe asaj të erës janë në proces shqyrtimi.
Gjatë ministerialit, ministri ngriti edhe nevojën për përshpejtimin e mekanizmave financues të Bashkimit Evropian për vendet e Ballkanit Perëndimor.
“Kemi nevojë për investime më të shpejta në infrastrukturën e interkonjeksioneve energjetike, në mënyrë që të rrisim integrimin e energjisë së rinovueshme në sistem dhe ndërlidhjen me vendet e rajonit”, tha ai.
Në përfundim, Karakaçi nënvizoi rëndësinë e bashkëpunimit rajonal për garantimin e sigurisë energjetike, duke theksuar se Shqipëria mbetet e angazhuar për forcimin e partneritetit me vendet e rajonit dhe Bashkimin Evropian, sidomos në një periudhë kur sfidat energjetike kërkojnë koordinim dhe veprim të përbashkët.
“Grant 2026”, Qeveria rrit mbështetjen për startup-et/ Rama: Financimi do të shtohet deri në 20 milionë euro
Qeveria synon të rrisë mbështetjen për startup-et duke arritur në 20 milionë eurove në vitin 2030. Kryeministri Rama nga aktiviteti i shpalljes së......
A shqetësohen shqiptarët për ndryshimet klimatike? Shumica e shohin si kërcënim serioz, nënvlerësohet shqetësimi i të tjerëve
Shqiptarët rezultojnë të jenë më të shqetësuar për ndryshimet klimatike sesa mendojnë se është pjesa tjetër e shoqërisë. Të dhënat e (World Risk Poll) 2026......
Temperaturat e larta rrisin konsumin e energjisë - OSHEE, Miti: 12% më shumë, rrjeti e përballon ngarkesën
Temperaturat e larta kanë rritur konsumin e energjisë elektrike në vend. Sipas të dhënave nga Operatori i Shpërndarjes së Energjisë Elektrike, niveli është......
Rrugë dhe korridore, Shqipëria portë kyçe për investime - Angjeli: Projektet strategjike sjellin zhvillim, kërkesë e lartë për likuiditet
Parashikimet e fundit për rritje të qëndrueshme, tregojnë stabilitet ekonomik të mbështetur te energjetika, turizmi, ndërtimi etj. Ish-ministri i financave......
Shqiptarët kryejnë më pak pagesa nga telefoni - Rënia mujore e transaksioneve, luhatje në shërbimet bankare online
Rruga drejt zvogëlimit të pagesave me para në dorë nuk është e thjeshtë dhe këtë e tregojnë edhe shifrat herë në ulje e herë në ngritje të transaksioneve që......
Rikonstruksioni i rrugës Kombinat - Ndroq - Plepa/ ARRSH hap tenderin për 4.35 km, në plan edhe loti 2 me vlerë 1.18 mld lekë
Autoriteti Rrugor Shqiptar ka hapur procedurën e tenderimit për rikonstruksionin e lotit 3 të rrugës Kombinat – Ndroq – Plepa, duke vijuar zbatimin me faza......
Nënstacion i ri nëntokësor në Tiranë, 22.5 mln euro hua nga BERZH - Malaj: Investimi, pjesë e vizionit për një sistem energjetik modern
Rritja e popullsisë, zhvillimi urban dhe investimet e reja në kryeqytet kanë shtuar kërkesën për energji elektrike. Për t’iu përgjigjur kësaj nevoje, OSHEE......
Mbetjet në rritje, riciklimi nuk shënon përparim/ Çdo banor prodhoi mesatarisht 383 kilogramë mbeturina në vitin 2025
Në vitin 2025, në Shqipëri u menaxhuan mbi 900 mijë tonë mbetje, duke shënuar një rritje prej 4.5% krahasuar me vitin 2024. Çdo banor gjeneroi mesatarisht......
