Shqipëria, e vetmja në rajon me 3 skema në SEPA , ofrohen edhe transferta të menjëhershme
Shqipëria merr pjesë në 3 skema të Zonës Unike të Pagesave në Euro (SEPA). Sipas një dokumenti të Këshillit Evropian të Pagesave, 13 institucione financiare në vend ofrojnë mundësinë e kryerjes së pagesave standarde në euro me SEPA.
Vendet e tjera të rajonit, Mali i Zi, Serbia dhe Maqedonia e Veriut marrin pjesë në maksimumi dy skema të Zonës Unike të Pagesave në Euro, ndërsa Shqipëria ofron më tepër metoda të realizimit të pagesave ndërkufitare nëpërmjet këtij sistemi.
Kështu, një institucion financiar në vend ofron gjithashtu mundësinë e kryerjes së Transfertave të Menjëhershme të Kreditit SEPA, version ky i përmirësuar i transfertave standarde. Kjo skemë mbështet transfertat e parave deri në 100,000 € midis bankave pjesëmarrëse ose ofruesve të tjerë të shërbimeve të pagesave. Vetë fjala “e menjëhershme” nënkupton se shumica dërrmuese e transaksioneve përpunohen brenda pak sekondash dhe janë të disponueshme 24/7/365.
Gjithashtu, vetëm një institucion financiar shqiptar merr pjesë në SEPA Direct Debit Core (SDD Core). Kjo skemë u mundëson bizneseve ose ofruesve të shërbimeve, të mbledhin pagesa direkt nga llogaritë bankare të debitorëve - në këtë rast, konsumatorët. Konsumatorët duhet të japin pëlqimin e tyre të qartë duke nënshkruar një mandat për të marrë pjesë. Kjo skemë shpesh përdoret për të mbledhur pagesa të përsëritura, siç janë faturat e shërbimeve, abonimet ose shlyerjet e kredive.
As Shqipëria dhe as vendet e tjera të rajonit nuk janë përfshirë akoma në skemën SEPA të projektuar vetëm për transaksionet midis bizneseve, që përdoret shpesh për pagesa të përsëritura, siç janë pagesat e faturave, tarifat e abonimit, tarifat e anëtarësimit dhe pagesat e furnizuesve dhe as në skemën e re ku rezulton që banka e njërës palë të jetë në SEPA dhe e tjetrës jo.
Me SEPA, qytetarët, bizneset dhe ekonomia shqiptare përfitojnë drejtpërdrejt kosto 5-10 herë më të ulëta për transfertat ndërkufitare në euro. Për pagesat elektronike deri në 20,000 euro, komisioni është maksimumi 2 euro. Për pagesat 20,000 euro deri në 100,000 euro, komisioni varion nga 2–10 euro (deri 0.01% të vlerës), për pagesat mbi 100,000 euro kostoja është maksimumi 25 euro dhe për remitancat maksimumi 3 euro.
Taksa e pasurisë, si do bëhet zbritja për banesën e parë? - Kush ka më shumë se dy prona, paguan 50% mbi vlerën për njërën prej tyre
Të gjitha pasuritë e paluajtshme në Shqipëri do të taksohen me vlerë tregu, qofshin ato njësi banimi, ambiente komerciale, apo toka. Baza e taksës mbi......
Ulen lehtë borxhet për faturat e OSHEE - Stoku i detyrimeve të prapambetura zbret në 79.47 mld lekë
Borxhi total që klientët kanë ndaj Operatorit të Shpërndarjes së Energjisë Elektrike ka shënuar një rënie të lehtë gjatë katër muajve të parë të vitit 2026,......
Real Estate dhe turizmi mbajnë në “këmbë” shërbimet/ Hotelet rrisin shitjet me 12.6%, pagat e pasurive të paluajtshme zgjerohen me 35%
Sektori i shërbimeve e ka nisur vitin 2026 me një ecuri pozitive, i mbështetur kryesisht nga aktiviteti i pasurive të paluajtshme dhe turizmi. Të dhënat e......
Shqipëria vijon rekordin e fluturimeve komerciale/ Shënon rritje me 208% më shumë në maj krahasuar me periudhën para pandemisë
Numri i fluturimeve komerciale në Shqipëri ka shënuar një rritje të jashtëzakonshme krahasuar me majin e periudhës para pandemisë, duke e pozicionuar vendin......
Valët e të nxehtit në Francë - Gati 5,400 vdekje në vit dhe pabarazi në ekspozimin ndaj nxehtësisë
Ndërsa Evropa përgatitet për një valë rekord të të nxehtit në qershor , me temperatura që në disa rajone pritet t'i afrohen 40°C, dy studime nxjerrin në pah......
Çmimi i naftës, në nivelin më të ulët të 3 muajve - Ndikoi marrëveshja e armëpushimit SHBA-Iran
Çmimet e naftës ranë me më shumë se 2 dollarë për fuçi të enjten, pasi SHBA-të dhe Irani nënshkruan një marrëveshje të përkohshme që do t'i jepte fund luftës......
Konkurrueshmëria ekonomike globale - Singapori, në vendin e parë “rrezon” Zvicrën në të tretin
Zvicra ka humbur vendin e parë ndaj Singaporit në një renditje botërore të konkurrueshmërisë ekonomike, pasi rritja e paqëndrueshmërisë globale dëmtoi......
Trump nënshkruan marrëveshjen me Iranin - Hapje e menjëhershme e Ngushticës së Hormuzit
Presidenti i SHBA-së, Donald Trump, nënshkroi një marrëveshje me Iranin, e cila i kërkon Teheranit të pakësojë rezervat e tij të uraniumit të pasuruar në......
