Ligji i ri, Vetting edhe në Aviacionin Civil – Qeveria: Rekomandim nga ndërkombëtarët, rritje e transparencës për fondet!

Një projektligj i sapodepozituar në Kuvend shton transparencën për të ardhurat dhe shpenzimet e Autoritetit të Aviacionit Civil, ndërkohë që parashikon edhe verifikimin e së kaluarës për punonjësit e saj që kanë akses në zona të kufizuara.

Në relacionin shoqërues të Draftit, Këshilli i Ministrave sqaron se nevoja për një ligj të ri vjen nga “Rekomandime te vijueshme te organizmave nderkombetare te cilat auditojne dhe monitorojne ne mënyrë permanente aviacionin civil. Keto rekomandime konsistojne ne nevojen e percaktimit nga ana e shtetit te mekanizmave ligjore te përshtatshëm, te cilat do t’i mundesojne AAC-se te terheqe, te rekrutoje dhe te mbaje nje numer te mjaftueshem te stafit teknik te kualifikuar, me qellim ushtrimin e fimksioneve te tij si autoriteti kombetar mbikeqyres ne aviacionin civil.

AAC financohet teresisht nga te ardhurat e tij, te cilat menaxhohen dhe perdoren per te mbuluar kostot e sherbimeve te rregullta dhe te panderprera qe ky Autoritet i ben te gjithe spektrit te ofruesve te sherbimeve ne aktivitetin e transportit ajror civil ne territorin e Republikes se Shqiperise. Ne këtë spekter hyjne shoqerite ajrore, aeroportet, agjencite e sherbimit te trafikut ajror dhe ofrues te tjere sherbimesh, të cilat e bëjnë Autoritetin një prej institucioneve më të mirë financuara në vend.

Mes të tjerash Ligji i ri parashikon saktesimin lidhur me te ardhurat me te cilat financohet AAC-ja, ku percaktohet qe ato realizohen nga tarifat e vendosura per veprimtarite qe kryen AAC, te cilat llogariten ne baze te kostos, kur eshte e apiikueslune. Më tej, saktesimin e menyres se perdorimit te te ardhurave, duke parashikuar edhe kryerjen e investimeve per rritjen e kapaciteteve dhe trajnimet profesionale te stafit te ngarkuar me detyra specifike.

Por nga ana tjetër, drafti parashikon edhe një “Vetting” të punonjësve të Aviacionit Civil. “Parashikimin per nepunesit e AAC-se qe mbajne pozicione te lidhura me funksione specifike dhe qe kane akses ne zonat me siguri te kufizuar, te cilet duhet t’i nenshtrohen kontrollit te se kaluares”, thekson Këshilli i Ministrave në Relacionin Shoqërues.

Lorenc Rabeta / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.