Linjat ajrore rinovojnë flotat e tyre – Rekord porosish përballë rritjes së trafikut

Kompanitë e linjave ajrore – veçanërisht ato me kosto të ulët – po rinovojnë flotën e tyre në përpjekje për të përfituar nga rritja e kërkesës për udhëtime pas pandemisë. Në këtë kontekst, EasyJet bëri porosinë më të madhe të avionëve në historinë e saj nga industria europiane Airbus, ndërsa Ryanair ankohet për vonesa nga konkurrenti amerikan Boeing, që mund të prekë edhe objektivat për vitin 2024.

EasyJet i Britanisë njoftoi një marrëveshje për të blerë 157 avionë të rinj me distanca të shkurtra nga Airbus me kohë të parashikuara të dorëzimit nga viti 2029 e tutje, dhe bëri porosi për 100 avionë të tjerë, në një marrëveshje me vlerë afro 20 miliardë dollarë, pavarësisht se kompanitë e linjave ajrore zakonisht negociojnë ulje të konsiderueshme të çmimeve. Kjo e çon numrin total të avionëve që ka porositur në 315 deri në vitin 2034, pas një parashikimi për fitime rekord para taksave prej 985.578 euro në në 1.008.715 euro në periudhën gjashtëmujore midis prillit dhe shtatorit.

EasyJet i bashkohet një liste në rritje të linjave ajrore që bëjnë porosi me Airbus dhe Boeing, nga Ryanair dhe United Airlines në IndiGo të Indisë, për të nxitur rritjen e tyre gjatë dekadës së ardhshme. Ryanair nënshkroi një marrëveshje për të blerë më shumë se 300 avionë Boeing në fillim të këtij viti, ndërsa Air India njoftoi një marrëveshje për të blerë 470 avionë nga Airbus dhe Boeing në një nga porositë më të mëdha në historinë e aviacionit.

Linjat ajrore pritet të vazhdojnë blerjet e tyre muajin e ardhshëm në Dubai Air Show, ku kampioni vendas Emirates ka njoftuar tashmë marrëveshje të reja.

Por porositë me shumicë, megjithatë, çojnë në probleme në zinxhirin e furnizimit, me prodhuesit që përpiqen t’i dorëzojnë aeroplanët te klientët në kohë. EasyJet pret që ‘ngarkesa’ në zinxhirin e furnizimit të Airbus dhe Boeing të vazhdojë deri në vitet 2030.

Si Boeing ashtu edhe Airbus po përpiqen të rrisin prodhimin për të përmbushur kërkesën në rritje për avionë të rinj ndërsa fluturimet rikuperohen nga bllokimet e pandemisë, por ata po përpiqen të mbushin boshllëqet dhe për shkak të një sërë faktorësh të tjerë, nga mungesa e pjesëve të këmbimit deri tek motorët e gjysmëpërçuesit, si pasojë e luftës në Ukrainë.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.