Lira turke në nivele të ulëta rekord pas uljes së papritur të normës të Bankës Qendrore!

Lira ra 0.8% kundrejt dollarit, për t’u tregtuar afër niveleve të ulëta rekord, pasi banka qendrore e Turqisë uli papritur normën bazë të interesit në 13% nga 14%.

Lëvizja erdhi si një surprizë për analistët që prisnin që ajo të mbahej e qëndrueshme pasi Turqia po merret me inflacionin e lartë dhe implikimet ekonomike të luftës në Ukrainë.

Presidenti turk Rexhep Tajip Erdogan, i cili beson në kundërshtim me ortodoksinë ekonomike – se ulja e normave të interesit zbut inflacionin, ka bërë thirrje për norma më të ulëta muajt e fundit.

Investitorët shitën lirën, me një dollar duke blerë më shumë se 18 lira, duke e vendosur atë pranë niveleve më të ulëta historike. Monedha e Turqisë ka rënë më shumë se një të katërtën e vlerës së saj ndaj dollarit këtë vit.

Tregtarët shitën gjithashtu borxhin në valutë të huaj të Turqisë. Rendimenti i një obligacioni në dollarë turk që maturohet në mars 2027 u ngjit në 9.920% nga 9.725%, sipas të dhënave nga Tradeweb.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.