Mali i Zi, arrestohet drejtuesja e Agjencisë Kundër Korrupsionit – U akuzua politikisht se nuk hetoi vlerën e orëve të Gjukanovicit

Drejtoresha e Agjencisë për Parandalimin e Korrupsionit në Mal të Zi, Jelena Perovic, u arrestua në zyrën e saj me urdhër të Prokurorisë Speciale malazeze. Prokuroria nuk ka bërë të ditur arsyen e arrestimit të saj, por në fund të marsit ishte deklaruar se po zhvilloheshin hetime për shpenzime të papërshtatshme të parave. Parregullsitë në punën e agjencisë ishin vërejtur nga inspektorët e Ministrisë së Financave.

Në gjetjet e tyre, të dorëzuara në Prokurorinë Speciale të Shtetit, thuhet se Peroviq në vitin 2023 ka marrë për punë jashtë orarit rreth 13,500 euro, në kundërshtim me Ligjin për pagat e të punësuarve në sektorin publik.

Vitin e kaluar, një OJQ, paraqiti një kallëzim penal kundër Perovic, duke pretenduar keqpërdorim të postit zyrtar. OJQ-ja pretendoi se Perovic mori një vendim të paligjshëm duke i caktuar vetes dhe ndihmësit të saj dy makina zyrtare në pronësi të agjencisë për përdorim të përhershëm.

Perovic në mënyrë të përsëritur mohoi të gjitha akuzat e bëra ndaj saj në publik. Ndërkohë partitë në pushtet e kanw akuzuar atw se po mbronte zyrtarë të lartë të ish-Partisë së Milo Gjukanoviç. Më 20 mars, ajo tha se një hetim i nisur nga agjecia për vlerën e orëve të Gjukanoviç ishte në fazën përfundimtare dhe publiku do të informohej për vendimin e agjencisë rreth datës 10 prill.

Kjo nuk ndodhi. Arrestimi i Perovic u përshëndet nga zëvendëskryeministri Aleksa Becic i cili tha se aksioni dërgoi një sinjal të qartë se Mali i Zi do të vazhdojë me dorën e fortë të një shteti të drejtë dhe të vendosur.

Arrestimi është i fundit në një sërë veprimesh të iniciuara nga Prokuroria Speciale e Shtetit. Ish-kryeprokurori i posaçëm Milivoje Katniç dhe ish-zëvendësdrejtori i policisë Zoran Lazovic u arrestuan të dielën.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.