Mania për armët turke – Më të shiturat dhe më të kërkuarat

Industria e mbrojtjes dhe e hapësirës ajrore të Turqisë tejkaloi rekordin e mëparshëm vjetor të eksportit. Dërgesat u rritën me më shumë se një të tretën nga janari në nëntor, sipas Asamblesë Turke të Eksportuesve.

Dronët luftarakë të Turqisë kanë gjeneruar kërkesa të mëdha dhe eksportet arritën në 4.4 miliardë dollarë në vitin 2022. Shitjet 12-mujore këtë vit arrijnë në 5.5 miliardë dollarë dhe po i afrohen objektivit të vendosur prej 6 miliardë dollarësh për këtë vit.

Sipas zyrtarëve turq, objektivi mbetet rritja e kësaj shifre mbi 10 miliardë dollarë në të ardhmen e afërt. Presidenti Erdogan u shpreh pak ditë më parë se me iniciativat në industrinë e mbrojtjes, eksportet vendase po rriten në mënyrë eksponenciale. Qëllimi këtë vit është të tejkalimi 6 miliardë dollarëve. Ai theksoi rritjen eksponenciale nga vetëm 248 milionë dollarë më shumë se dy dekada më parë.

Transformimi i industrisë së mbrojtjes së Turqisë është nxitur nga një sërë embargosh perëndimore. Gjatë 20 viteve të fundit, transformimi ka synuar të reduktojë varësinë e jashtme nga armatimet perëndimore përmes iniciativave inovative inxhinierike dhe teknologjive të zhvilluara brenda vendit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.