Më pak kërkesë për metalet e çmuara – Tregu i platinit përballet me mungesën më të madhe të ofertës në 10 vite

Tregu i platinit po përballet me mungesën më të madhe të ofertës në 10 vitet e fundit, pasi dërgesat nga Rusia po kthehen në normalitet dhe kërkesa industriale mbetet e qëndrueshme. Analistët e tregut mendojnë se të gjitha metalet e grupit të platinit, si   paladiumi dhe rodiumi do të mbeten në deficit në vitin 2024.

Të tre metalet përdoren në autokatalizatorët që reduktojnë emetimet nga motorët e automjeteve, me platinin që përdoret gjithashtu në industri të tjera edhe për investime. Analistët presin që deficiti i tregut të platinit të rritet në 598,000 onz këtë vit, nga një mungesë prej 518,000 onz në 2023. Ata parashikojnë se kërkesa për platin do të stabilizohej në rreth 7.61 milionë onz, me ulje të vogla në automobila dhe bizhuteri të balancuara nga një rritje e investimeve.

Konsumi i sektorit të automjeteve pritet të bjerë 1.3% në 2024, ndërsa furnizimi primar parashikohet të tkurret 2% pasi dërgesat ruse kthehen në nivele më normale. Për paladiumin, përdorimi nga prodhuesit e automjeteve do të bjerë rreth 7%, duke ulur kërkesën e përgjithshme në 9.73 milion onz.

Për rodiumin, konsumi i makinave pritet gjithashtu të bjerë me rreth 6%, duke zvarritur kërkesën totale me 4% në 1.06 milionë onz.

Industritë blenë më shumë nga këto metale të çmuara gjatë periudhës 2020-2022 për të zbutur rreziqet e çmimit dhe ofertës.

Me rreth 950 dollarë për onz, paladiumi po tregtohet më lirë se platini me 960 dollarë, për shkak të shqetësimeve në rritje të kërkesës.

Dorian Koça/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.