Meta shënon rënie të të ardhurave – Kjo është hera e parë që nga krijimi i platformës

Parashikimet e platformës Meta për të ardhurat e tremujorit aktual janë nën vlerësimet fillestare në një moment që Facebook shënoi rënien e parë tremujore të të ardhurave, sidomos për shkak të një situate të dobët në tregun e reklamave dixhitale.

Aksionet e kompanisë me bazë në Menlo Park, Kaliforni ranë rreth 5%. Kompania bëri të ditur se pret të ardhuara për tremujorin e tretë prej 26 miliardë deri në 28.5 miliard dollarë. Pritshmëritë fillestare të analistëve ishin derin në 30.5 miliard dollarë.

Fitimet e Metës nënvizuan më tej një ngadalësim të inflacionit të nxitur në industrinë e reklamave dixhitale, e cila ka lulëzuar për dekada pasi kompanitë shfrytëzonin fuqinë e internetit për të arritur tek konsumatorët.

Meta është përpjekur të shmangë një sërë sfidash për biznesin e saj, duke përfshirë konkurrencën e ashpër nga TikTok dhe Amazon për reklama dhe një goditje financiare pas ndryshimeve të kryera nga Apple për sa i përket mbrojtjes së privatësisë në sistemin operativ celular iOS.

Për tremujorin e dytë që përfundon më 30 qershor, Meta tha se të ardhurat totale, pjesa më e madhe e të cilave vjen nga reklamat, ranë në 28.82 miliardë dollarë nga 29.08 miliardë dollarë një vit më parë.

Të ardhurat neto ranë në 6.69 miliardë dollarë, ose 2.46 dollarë për aksion, nga 10.39 miliardë dollarë, 3.61 dollarë për aksion, një vit më parë.

Dorina Murtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.