Minatori kryesor i uraniumit rrit objektivin e prodhimit duke përmendur perspektivën rritëse bërthamore!

Prodhuesi më i madh në botë i uraniumit Kazatomprom , tha të premten, se ka rritur objektivin e tij të prodhimit për vitin 2024 duke përmendur kërkesën në rritje për karburant bërthamor mes shqetësimeve të sigurisë globale të energjisë dhe luftës në Ukrainë.

Kazatomprom, me qendër në Kazakistan, do të rrisë prodhimin me 2,000 deri në 3,000 ton në vitin 2024, tha në një raport tremujor.

“…Ne besojmë se ndryshimi themelor në ekuilibrin midis ofertës dhe kërkesës është ende në progres, me një iluzion të ofertës dytësore të pafundme, duke krijuar mundësi të vazhdueshme për Kazatomprom si një furnizues kryesor që mban një qasje të disiplinuar,” tha kompania.

“Një faktor kyç që kontribuon në përmirësimin e kushteve të tregut të uraniumit dhe perspektivën optimiste për industrinë e energjisë bërthamore në vitet e fundit ka qenë debati ndërkombëtar mbi ndikimet sociale dhe mjedisore të infrastrukturës energjetike” .

“Këto diskutime janë bërë edhe më të theksuara kohët e fundit mes vëmendjes në rritje për sigurinë e energjisë dhe diversifikimin në lidhje me konfliktin ruso-ukrainas.”

‘Vende të ndryshme, duke përfshirë disa që kishin braktisur planet e tyre bërthamore ose ishin angazhuar për të hequr gradualisht energjinë bërthamore, tani thuhet se po rishikojnë politikat e tyre dhe, në disa raste, po rishqyrtojnë energjinë bërthamore së bashku me strategjitë e tyre të energjisë së rinovueshme,’ tha Kazatomprom.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.