Nafta zbret pranë 80 USD – Ndikon rritja e prodhimit në SHBA dhe ngadalësimi i kërkesës
Nafta po qëndron në rënie edhe në sesionin e sotëm, duke zgjeruar humbjet e një dite më parë pasi sinjalet e një oferte më të lartë nga Shtetet e Bashkuara i shtohen shqetësimeve për kërkesën e dobët për energji nga Kina.
Nafta Brent e Londrës po tregtohet në rreth 80.5 dollarë për fuçi, ndërsa nafta Bruto amerikane po tregtohet në rreth 76 dollarë për fuçi. të dyja kontratat ranë me rreth 1.5% në sesionin e kaluar. Analistët shprehen se, shqetësimet për një normë rekord të prodhimit në SHBA përbëjnë një presion të ri mbi çmimet e naftës, duke iu shtuar perspektivës tashmë shqetësuese të kërkesës.
Referuar të dhënave të publikuara në SHBA nga Administrata për Informimin mbi Energjinë, rezervat e naftës bruto u rritën me 3.6 milionë fuçi, gjatë javës së kaluar, në totalin e 421.9 milionë fuçive. Analistët e anketuar nga Reuters parashikonin një rritje me 1.8 milionë fuçi. Në anën tjetër, prodhimi në SHBA mbeti i qëndrueshëm pranë rekordit historik prej 13.2 milionë fuçi naftë në ditë.
Ndërkohë, të dhënat e publikuara të enjten në Kinë nënvizuan shqetësimet rreth sektorit të pronave, pasi çmimet e shtëpive të reja ranë për të katërtin muaj radhazi në tetor. Gjithashtu, edhe faktorë të tjerë po frenojnë çdo tentativë në rritje për çmimet e naftës.
“Duke pasur parasysh se dinamika më e shtrënguar e raportit kërkesë-ofertë për naftë ka qenë më pak e theksuar, ndërsa çmimet kanë rënë poshtë mesatares 200-ditore. Eksportuesit kryesorë të naftës, Arabia Saudite dhe Rusia, pjesë të OPEC+, deklaruan më herët gjatë këtij muaji se do të vazhdojnë me shkurtimet shtesë të prodhimit të naftës deri në fund të vitit.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.