Stabilizohet tregu monetar – Të dhënat sugjerojnë se FED mund t’i ulë interesat në maj

Dollari amerikan po qëndron në rritje të lehtë edhe në sesionin e sotëm, ndërsa tregu është stabilizuar pas dy ditësh në luhatje të mëdha, pasi të dhënat ekonomike në SHBA sinjalizonin se Rezerva Federale do të presë më gjatë përpara se të ulë normat e interesit.

Indeksi që mat ecurinë e dollarit amerikan përballë shportës me 6 monedhat kryesore ndërkombëtare po qëndron është rritur me 0.2%, ndërsa në sesionin e së martës ra me 1.5%, humbjet më të mëdha ditore në më shumë se një vit.

Euro po shfaqet e qëndrueshme, në rreth 1.084 dollarë. Edhe paundi është dobësuar lehtë dhe ka zbritur poshtë nivelit të 1.24 përballë dollarit. Dollari ka gjetur një mbështetje nga shitjet me pakicë, që rezultuan më mirë se sa pritej, të kombinuara me më shumë shenja të ftohjes së inflacionit, duke ushqyer narrativën për një ngadalësim të lehtë të ekonomisë amerikane.

Tregtarët janë të sigurt se normat e interesit nuk do të rriten, por kanë ulur shanset për lehtësimin e parë të interesave deri në mars të vitit të ardhshëm. Tashmë, skenari më i mundshëm është që ulja e parë e interesave mund të vijë në muajin maj. Analistët e Deutsche Bank citojnë se në dy vitet e fundit, ky është rasti i shtatë në të cilin tregjet kanë një ndryshim të shpejtë në lidhje me uljen e normave të interesit nga Rezerva Federale.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.