Ndryshimet klimatike po e bëjnë kafenë një luks – Ekspertët: Çmimet mund të mbeten më të larta për më gjatë!
Dorina Kurtaj / SCAN
Sezoni i thatë më i gjatë se normalisht, për të cilin fajësohen ndryshimet klimatike, shkaktoi dëme në të mbjellat këtë vit. Të gjithë janë dakord me faktin se nëse nuk do të jenë kushtet e duhura të motit dhe prodhimi nuk duhet të jetë i duhuri.
Kostot më të larta të prodhimit mund të çojnë në inflacion të çmimit të kafesë dhe për këtë produkt duhet të paguajnë më shumë në të ardhmen pasi çmimet rriten në nivele rekord. Ekspertët e kafesë sinjalizojnë gjithashtu se çmimet mund të mbeten më të larta për më gjatë, pasi faktorë të tillë si ndryshimet klimatike reduktojnë furnizimin global të kafesë.
Organizata Ndërkombëtare e Kafesë – ICO, një organizatë ndërqeveritare e themeluar në vitin 1963 me mbështetjen e Kombeve të Bashkuara, raportoi muajin e kaluar se çmimi i indeksit të përbërë ICO – një pikë referimi kyç për industrinë globale të kafesë – arriti një nivel më të lartë në 13 vjet, me një çmimi mesatar prej 226.83 cent ose rreth 2.27 dollarë për paund.
Njohësit e kafesë shpesh thonë se kur Brazili ‘teshtin’, pjesa tjetër e botës ‘ftohet’ – një referencë për statusin e tij si prodhuesi numër një i Arabica, varieteti i kafesë me cilësi të lartë që përbën mbi 60% të prodhimit total të kafesë.
Pra, kur një ngricë jashtëzakonisht e fortë shkatërroi të korrat e saj në verën e vitit 2021, tregu i kafesë pësoi një tronditje të menjëhershme të ofertës, pasi kontratat e së ardhmes së kafesë në SHBA, të cilat ndjekin Arabica, arritën një nivel maksimal prej 260 cent për paund.
Departamenti i Bujqësisë i SHBA-së raportoi në maj se Vietnami, prodhuesi kryesor i Robusta, pësoi disa vite kushte të pafavorshme të motit që panë nivelet e eksportit të bien me 7%.
Pavarësisht rritjes së çmimeve, ka një gjë për të cilën ekspertët mund të jenë të sigurt: Kërkesa për kafe nuk do të bjerë së shpejti.
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.