Një shportë për të porsalindurit – Bashkia e Tiranës hap tenderin, përfitues 2 maternitetet!
Një shportë për të porsalindurit me produktet më të nevojshme do të jetë ndihma që pritet t’u dhurohet nënave të cilat lindin fëmijët në maternitetet e Tiranës. Ky është një project i ndërmarrë nga Bashkia e Tiranës e cila ka shpallur tashmë tenderin me vlerë rreth 25 milionë lekë.
Qëllimi i projektit është për mbështetjen e nënës së re për ruajtjen e mirëqenies fizike, emocionale dhe psikologjike dhe mësimin e shprehive për t`u kujdesur për të porsalindurin. Synimi i kësaj shporte është ndihmesa në ditët e para të lindjes, me produktet e nevojshme dhe të domosdoshme për çdo nëne e cila ka sjellë në jetë një bebe.
Shporta e bebes do të përfshijë 9 produkte si 1 Pako Pelena një përdorimshe, 1 Shishe qelqi me biberon, 1 Shampo për bebe, 1 Letra të lagura për fëmijë, 1 Krem për bebe me vitamina, 1 Vaj hidratues trupi, 1 Biberon fallco, 1 Lodër pellushi, 1 Një botim për kujdesin ndaj fëmijës në vitet e para të jetës.
Shpërndarja e “Shportës së bebes” do të realizohet, bazuar në numrin e lindjeve të regjistruara nga punonjësit e gjendjes civile pranë institucioneve shëndetësore ku foshnjat kanë lindur që nga dita kur kanë ardhur në jetë.
Përfituesit e drejtpërdrejtë të këtij projekti do të jenë të porsalindurit në maternitetin publik “Mbretëresha Geraldine” ose “Koço Gliozheni”, prindërit e të cilëve janë me vendbanimin të përhershëm në Tiranë.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.