Italia e Gjermania, më të varura nga gazi rus – 2021: Rusia ishte furnizuesja kryesore e lëndëve të para energjitike në zonën euro
Mes vendeve më të mëdha të zonës euro, Gjermania dhe Italia janë më të varurat nga gazi rus. Kjo rezulton në Buletinin Ekonomik të Bankës Qendrore Europiane, e cila thekson se shkalla e zëvendësueshmërisë së burimeve të energjisë është e rëndësishme, në fund të çdo analize për pasojat ekonomike të luftës tek çmimet e energjisë dhe furnizimet në zonë
Në këtë dokument lexohet dhe se tensionet në lidhje me furnizimin me energji nga Rusia mund të transmetohen në zonën euro nëpërmjet çmimeve në tregjet ndërkombëtare dhe rezervave të çdo vendi. Në vitin 2019 prodhimi energjitik rus përbënte 12% të ofertës botërore të naftës, 5% të asaj për qymyrin dhe 16% të ofertës për gaz.
Në vitin 2021 Rusia ishte furnizuesja kryesore e lëndëve të para energjitike në zonën euro duke përfaqësuar 23% të importit total të energjisë. Zona euro varet nga Moska në mënyrë të veçantë për importin e gazit natyror, që në vitin 2020 përbënte 35% të importit të gazit dhe 11% të konsumit primar të energjisë.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.