OKB: Situata e urisë në botë është përkeqësuar shumë – Raporti i pesë agjencive të OKB: Bota po humbet betejën përballë urisë!

Sipas raportit të pesë agjencive të Kombeve të Bashkuara bota po e humbet betejën e saj me urinë. Situata më dramatike paraqitet në Azi ku llogaritet se 20% e popullsisë aktualisht po përballet me urinë

Kohë të vështira për sigurinë e ushqimit në botë. Sipas një raporti të redaktuar nga pesë agjenci të Kombeve të Bashkuara, në vitin 2021 rreth 828 milion persona kanë vuajtur nga uria për shkak të pasojave të pandemisë dhe krizës klimatike.

Numri rritet në 2 miliard e 300 milion nëse konsiderohen personat që kanë pasur vështirësi për të pasur ushqim të mjfatueshëm. Sipas organizatës së kombeve të bashkuara për ushqimin dhe agrokulturën, me seli në Romë, bota aktualisht po e humbet betejën e saj me urinë. Varfëria ekstreme është rritur dukshëm dhe llogaritet që janë ‘djegur’ dhjetë vite përpjekje për reduktimin e varfërisë; por dhe niveli i pabarazisë po rritet.

Situata konsiderohet katastrofike në Azi ku 20% e popullsisë aktualisht po përballet me mungesën e ushqimit. Në Afrikë 9% e popullsisë vuan urinë, në Amerikën Latine dhe Karaibe përqindja është 8.6%.

Parashikimet për këtë vit janë shqetësuese, sepse lufta në Ukrainë ka ndërprerë zinxhirin e furnizimit në të gjithë botën duke rritur cmimet e ushqimeve, energjisë dhe fertilizuesve.

Nëse asgjë nuk ndryshon sipas OKB, planeti do të dështojë në përmbushjen e objektivit për eliminimin e urisë brenda vitit 2030. Sipas të dhënave të Kombeve të Bashkuara, brenda tetë vitesh do të jenë rreth 670 milion personat që do të vuajn ënga uria, një shifër e ngjashme me atë të regjistruar në vitin 2015.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.