Opec parashikon rënie të kërkesës për naftë në 2023 – Pavarësisht kësaj pritet që konsumi i naftës të jetë i njëjtë me atë para pandemisë
Opec parashikon se kërkesa botërore për naftë do të shtohet vitin e ardhshëm, por me një ritëm pak më të lehtë në krahasim me vitin 2022, me një konsum që do të mbështetet nga përmbajtja më e mirë e pandemisë Kovid 19 si dhe nga një rritje ende e fortë e ekonomisë globale.
Në një raport mujor Opec konfirmoi se parashikon një rritje të kërkesës botërore prej 2.7 milion fuci nafte në ditë në vitin 2023. Parashikimet për rritje për këtë vit kanë mbetur të pandryshuara në 3.36 milion fuci nafte në ditë
Konsumi i naftës ka rifilluar të rimëkëmbet që nga pandemia në 2020-ën dhe këtë vit pritet të kalojë nivelet e vitit 2019, në një moment që cmimet kanë shënuar nivele rekord. Gjithësesi cmimet e larta të naftës dhe epidemitë e koronavirus në Kinë kanë penguar pritshmëritë për rritje për vitin 2022.
Në raportin e Opec ndër të tjera shkruhet se në vitin 2023, pritshmëritë për një rritje të shëndetshme të ekonomisë globale, së bashku me përmirësimet e parashikuar në përmbajtjen e Kovid 19 në Kinë, duhet të rritet konsumi i naftës
Opec shton se parashikimet për vitin 2023 nënkuptojnë se nuk do të ketë një përshkallëzim të luftës në Ukrainë dhe se rreziqet si për shembull rritja e inflacionit nuk do të ndikojnë shumë në rritjen e ekonomisë globale.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.