Pa marrëveshje me qeverinë, sindikatat vijojnë grevën – Kurti: Të pranojnë 50 euro shtesë. Nagavci: Eshtë marrë peng procesi mësimor

Ka dështuar arritja e një marrëveshjeje mes Qeverisë dhe Sindikatave të Kosovës për shtesën 100 euro në pagën e tyre. Pas një takimi me sindikatat së bashku me ministren e Arsimit, Arbërie Nagavci dhe Ministrin për Financa, Hekuran Murati , kryeministri Albin Kurti kërkoi të pranohet marrëveshja me 50 euro shtesë në paga derisa të diskutohet në parlament projektligji.

Kurti u shpreh se: “Grevistët i thanë na ndihmo si vëlla. Unë si vëlla të ndihmoj privat, por si kryeministër, nuk shkon kështu. 80% e buxhetit mbushet nga sektori privat e 20% nga ai publik. Paratë nuk janë të mijat. Grevistët kanë kërkuar 100 euro, kurse qeveria ka dhënë 50 euro. Ata thonë ose krejt ose hiç. Nuk bën kjo logjikë e shantazhit. Atyre ua kemi thënë lajmin të parëve se këtë javë fillon diskutimi publik për Projektligjin për Paga”.

Direkt pas takimit sindikalistët janë shprehur se kanë refuzuar propozimin e Kryeministrit duke vijuar kështu grevën. “Diskutuam që kjo shumë e përmendur pa u folur me ne nuk do të pranohet. Asgjë e re nuk ndodhi. Asnjë lëvizje që do të na ndihmonte në këtë situatë”, tha ai.

Grevistët refuzojnë të presin deri në realizimin e plotë të projektiligjit për pagat pasi kërkon kohë deri në 8 m,uaj sipas tyre. Prej disa javësh arsimtarët janë në grevë duke pezulluar kështu procesin mësimor. Kjo situatë ka ngritur shqetësimin e Këshillit të Prindërve të Kosovës, të cilët thonë se kjo situatë e përsëritur është tërësisht e papranueshme dhe e paarsyeshme, e cila po shoqërohet edhe me çregjistrime të përditshme të nxënësve nga shkollat publike.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.