Panelet diellorë do të jenë të detyrueshëm – Do të pajisen ndërtesat publike dhe private me panele diellore nga viti 2030
Arritja e kapacitetit total të prodhimit të energjisë së rinovueshme në 1236 gigavat brenda 2030-ës, në krahasim me 1067 gigavat të parashikuara fillimisht nga plani “I përshtatshëm për 55”. Si dhe vendosja e objektivit të efikasitetit energjitik të Bashkimit Europian në 13% brenda 2030-ës, nga 9% që parashikohet aktualisht.
Gjithashtu rritja e importeve të LNG-së dhe dërgesave të gazit në tubacione dhe një platformë e përbashkët për blerjen e përbashkët të gazit, LNG-së dhe hidrogjenit. Këto janë objektivat e planit REPowerEU me të cilin Komisioni i BE-së u tregon vendeve anëtare rrugën për të reduktuar varësinë e tyre nga karburantet fosile ruse deri në vitin 2027.
Për ta bërë këtë, BE-ja do të përdorë pothuajse 300 miliardë euro, 72 miliardë në subvencione dhe 225 miliardë në kredi, shpjegoi presidentja e ekzekutivit të BE-së Ursula von der Leyen. Plani parashikon gjithashtu aktivizimin e detyrimit të paneleve diellore në çatitë e ndërtesave të reja rezidenciale deri në vitin 2029. Nuk do të vendoset asnjë tavan nga BE për çmimin e gazit, me përjashtim të rasteve kur ndërpritet furnizimi.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.