Pas ngadalësimit të inflacionit në SHBA rriten asetet europiane!

Aksionet, monedhat dhe obligacionet europiane u rritën të mërkurën pasi inflacioni amerikan u ngadalësua në qershor, duke ushqyer bastet që Rezerva Federale po i afrohet fundit të një serie rritjesh të mëdha të normave të interesit.

Indeksi i çmimeve të konsumit në SHBA u rrit 3.0% nga viti në vit muajin e kaluar, duke shënuar rritjen e tij më të vogël vjetore në më shumë se dy vjet, ndërsa duke përjashtuar çmimet e ushqimeve dhe energjisë ai u rrit me 4.8%. Të dyja ishin nën pritshmëritë e ekonomistëve të anketuar nga Reuters.

Euro u ngjit në një nivel të ri në rreth 10 javë dhe për herë të fundit u rrit me 0.5% në 1.107 dollarë, ndërsa indeksi standard i kapitalit STOXX 600 (.STOXX) i Euopës zgjeroi fitimet në rritje me 1.3%.

Yield-i i obligacioneve 10-vjeçare të Gjermanisë, pikë referimi për zonën e euros, u ul pas të dhënave dhe u ul për herë të fundit me 6 pikë bazë në 2.589%.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.