Plan investimi prej 193 miliardë dollarë – Volkswagen drejt elektrifikimit dhe dixhitalizimit!

Volkswagen  të martën njoftoi planet për të investuar 180 miliardë euro (192.6 miliardë dollarë) midis 2023 dhe 2027, me më shumë se dy të tretat që synojnë “elektrifikimin dhe dixhitalizimin”.

Gjigandi gjerman i automobilave në fillim të këtij muaji postoi një fitim operativ për vitin 2022 prej 22.5 miliardë eurosh, 13% më shumë se një vit më parë, me furnizimet e baterive dhe automjeteve elektrike (BEV) në rritje 26%.

Zgjerimi i BEV u nxit nga një rritje prej 68% në Kinë, ndërsa kompania gjithashtu përfundoi elektrifikimin historik të fabrikës së saj në Chattanooga, Tennessee.

Megjithatë, shifrat e përgjithshme të dërgesave ranë me 7% në 8.3 milionë automjete në vitin 2022 dhe flukset neto të parave të divizionit të automobilave ranë në 4.8 miliardë euro nga 8.6 miliardë euro në 2021.

Në raportin vjetor të së martës, kompania ia atribuoi këtë “një rritje të kapitalit qarkullues për shkak të çështjeve të zinxhirit të furnizimit dhe logjistikës, veçanërisht në fund të vitit” dhe parashikoi se kjo duhet “të ndryshojë kryesisht” gjatë rrjedhës së 2023.

Drejtori i Përgjithshëm Oliver Blume tha se Volkswagen “caktoi objektiva të qarta dhe ambicioze dhe mori vendimet e nevojshme për të përmirësuar proceset” në vitin 2022, ndërsa viti i ardhshëm do të jetë “vendimtar” për ekzekutimin e synimeve strategjike të grupit.

CFO & COO i Volkswagen Group Arno Antlitz tha se pozicioni i fortë financiar duhet t’i mundësojë kompanisë të “vazhdojë të investojë në elektrifikim dhe dixhitalizim” edhe në një “ambient ekonomik sfidues”.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.