Plani i BE për gazin: Në dimër termostatet një gradë më pak – Gazprom “ngrin” Europën për rifillimin e furnizimit nga Nord Stream

Në projekt – planin europian për gazin lexohet ndër të tjera se mes tetorit dhe marsit, mund të kursehet në mënyrëtë konsiderueshme duke përdorur burime alternative për ngrohjen por dhe nëpërmjet fushatave për kursimin e gazit me objektiv familjet të cilave iu kërkohet që të fiksojnë termostatet me një gradë më pak. Në dokumentin me titull: “Të kursesh gaz për një dimër të sigurtë” parashikohet dhe reduktimi i ngrohjes për ndërtesat publike, zyrat, ndërtesat tregtare, duke vënë si detyrim gradimin deri në 19 gradë.

Në këtë projekt plan që komisioni europain do e prezantojë në 20 korrik citohen dhe simulimet nga ana e ENSTOG – Shoqata europiane e operatorëve të gazit, sipas të cilës mungesa e gazit në rast ndërprerjeje të furnizimev nga ana e Rusisë, do të reduktonte shumë shpejt dhe rezervat në BE. Objektivi aktual është që rezervat të jenë në një nivel deri në 80%, ndërsa në rast të mungesës së gazit rus do të arrijnë deri në 71%.

Ndërkohë kolosi energjitik rus Gazprom paralajmëron për sa i përket Nord Stream, gazsjellësi që lidh Moskën me Berlinin dhe Europën perëndimore. Në një deklaratë për media thuhet se Gazprom nuk ka asnjë dokument që Siemens është në gjendje të sjellë nga Kanadaja turbinën me gaz për stacionin e Portovaja-s. Turbina u çua në Kanada për riparim. Në këtë mënyrë nuk është e mundur që të garantohet funksionimi i sigurtë i këtij stacioni që është një strukturë thelbësore për gazjellësin Nord Stream

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.