Porti i Durrësit deri në Prishtinë, gati hekurudha – Kosova do lidhet në terminalin e gazit në Vlorë, riaktiviziohet projekti IAP, do lidhet me TAP

Terminali i gazit të lëngshëm në Vlorë, bashkëpunimi i operatorëve KESH dhe KEK për transmetimin dhe depozitimin e energjisë dhe hekurudha që do lidhë Durrësin me Prishtinën ishin mes dy pikave më të rëndësishme të marrëveshjeve të nënshkruara këtë të hënë në takimin e përbashkët të dy qeverive Shqipëri Kosovë.

Ministrja Balluku tha se konflikti në Ukrainë e ka vënë Europën përpara emergjencës, gjë që ka sjellë edhe rijetësimin e projektit të gazsjellësit IAP, i cili tashmë është kthyer në një project rajonal.

Një tjetër marrëveshje e rëndësishme ishte heqja e detyrimit për regjistrimin në kufi të qytetarëve kosovarë që vijnë në Shqipëri për pushimet verore, ose gjatë ditëve të festave.

Ndërsa jemi fare afër sezonit të ri shkollor, dy Qeveritë kanë nënshkruar edhe një marrëveshje që parashikon heqjen e çdo kufizimi për pranimin në Universitetet e dy vendeve.

E e vetmja pikë ku dy qeveritë nuk kanë arritur të gjejnë mundësinë e marrëveshjes ka qenë ajo për operatorët ekonomikë të autorizuar.

Lorenc Rabeta / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.